Góð ráð til foreldra barna í knattspyrnu

• Komdu á æfingu eða keppni þegar þú getur. Barninu finnst það gaman! 
   
• Ekki hvetja bara þitt barn í leik eða keppni, heldur allt liðið. 
   
• Sýndu jákvæðni og stuðning (líka í mótlæti) - ekki gagnrýna.
  
• Berðu virðingu fyrir störfum þjálfarans - ekki reyna að hafa áhrif á hann meðan á leik eða keppni stendur. 
   
• Dómarinn er til að leiðbeina og kenna jafnt sem að dæma. Ekki gagnrýna ákvarðanir hans.
  
• Hvettu barn þitt til að taka þátt í æfingum og keppni. - Ekki beita þau þrýstingi. 
   
• Spurðu barnið að keppni lokinni hvort var gaman og hvernig það stóð sig. - Ekki endilega hvernig fór, því úrslitin eru ekki aðalatriði.
  
• Berðu virðingu fyrir starfi félagsins. 
   
• Verið virk á foreldrafundum þar sem umræður fara fram um þjálfun og markmið, þar er ykkar vettvangur sem og í foreldraráði. 
   
• Mundu að það er barnið þitt sem er að taka þátt. - EKKI ÞÚ! Sumum foreldrum hættir til að gleyma því. 
   
• Viltu hjálpa til og vera virkari í stuðningi þínum við knattspyrnuiðkun barns þíns? - Bjóddu fram aðstoð þína, vertu liðsstjóri, bjóddu þig fram í foreldraráð, spurðu þjálfarann hvernig þú getur hjálpað til.